Words And Voices: Mere Hindustan Ko Hindustan Rehne Do

Words And Voices: Mere Hindustan Ko Hindustan Rehne Do

Mere ‘Hindustan’ ko Hindustan rehne do
Na baaton humein Hindu-Musalmaan me
Humein ‘Insaan’ rehne do…
Mere ‘Hindustan’ ko ‘Hindustan’ rehne do….

Kheench ke bejaan lakeerein baat diya insaanon ko
Kam se kam ab ‘Insaaniyat’ toh baaki rehne do…
Mere ‘Hindustan’ ko ‘Hindustan’ rehne do….

Bohot ho chuka khoon-kharaaba Jaati dharam ke naam par
Ab mere watan mein shaanti aur aman rehne do…
Mere ‘Hindustan’ ko ‘Hindustan’ rehne do….

Kab tak Allah-Bhagwan me farak karoge
Ladkar ek duje ka khoon bahaoge
Ab bas bhi karo, mere ‘Tirange’ ko be-daagh rehne do…
Mere ‘Hindustan’ ko ‘Hindustan’ rehne do….

Karte bhed woh agar Hindu-Musalman mein
Toh na ho paata kabhi aazaad desh mera
Un mahaan veeron ka kuch toh maan rehne do…
Mere ‘Hindustan’ ko ‘Hindustan’ rehne do….

Yeh nahi jaante fark karna ‘Mazhabon’ mein
Inhe mat sikhao fark Ram-Rahim me
Mere Mulk ke bacchon ko ‘Baccha’ rehne do…
Mere ‘Hindustan’ ko ‘Hindustan’ rehne do….

Kayi ghar jala diye nafrat ki aag mein
Jo bache huye hai un kuch gharon ko salaamat rehne do…
Mere ‘Hindustan’ ko ‘Hindustan’ rehne do…. (2)


To read more post like Words And Voices: Mere Hindustan Ko Hindustan Rehne Do, click here.